السلام عليكمو رحمة الله و بركاته انا سميتي مروة و عندي 17 سنة المهم بغيت لمن نخوي عليه قلبي و الحمد لله لقيت الفرصة في هاد السيت داكشي علاش تنشكركم بزاف بزاف المهم انا بنت متحجبة و حشومية ة من عائلة محافظة و هادي عام مني كان عندي 16 عام كنت تعرفت على واحد الشاب كنا غير اصدقاء لفترة طويلة و انا كنت تنحس بلي هو كيشوف فيا كثر من مجرد صديقة مهم بقينا على هاد الوضع مدة حتى لواحد النهار خو يجي قال ليا انا راه من نهار عرفتك و انا تنحس بشي حاجة من جيهاك و نتي لقيت فيك بنت الناس لي تنتمنا مع العلم ان هو كان عندو 19 عام و يلاه خدم مهم قال ليا انا مكرهتش تكوني ديالي … الخ انا رفضت ا قلت ليه لا انا ماعمري درت شي علاقة مع شي واحد و متنفكرش باش نديرها و بغيت نديها غير فقرايتي اهو يقول ليا انا ناوي الحلال و انا نسكت قلت ليه عطيني وقت نفكر مهم خذيت وقتي وفكرت مزيان قلت مع راسي الا كان ناوي الحلال علاش لا
وافقت بشرط معمرو يقول ليا شي هدرة ولا بغيت شي حاجة خنى لمن ورا الزواج وافق و منكذبش عليكم انا ملي تعرفت عليه كثر كان تيعاملني مزيان و معمرو فال ليا شي حاجة و تافقنا الصيف ايجي لدار و انا قلتها لخواتاتي باش يعانوني نقنع ماما المهم كنت فرحانة بزاف و بغيتو من قلبي و نيتي كلها صافية واحد النهار قال ليا اجي بغيت نهدر معاك ضروري قلت ليه واخا مع كنتيق فيه مشينا ا جلسنا فواحد البلاصة ماخاوياش فيها بنادم مع تنقول ليه منجلسوش فشي بلاصة خاوية مهم جلسنا تنهدرو و باينة فيه بحالة طالع ليه الدم قلت مالك اشنو الحاجة الضرورية لي بغيتي تهدر معايا فيها هو يقول ليا راه هدرت مع الوليدة عليك و راه قالت ليا لا تزوج بنت خالتك انا تصدمت وليت باغا نبكي و قلت ليه لا ولكن نتا عطيتيني كلمة و ياك قولتي ليا تتبغيني ايوا بين ليا و هو يقول ليا والله حتى تنبغيت و هو يقرب ليا بغا يقبلني و انا تصدمت و انا ندفعو معرفت ماندير قلت ليه بعد مني و انا نوض بغيت نمشي و هو تيعيط ليا و انا تلاقيت مع واحد صاحب خويا وليت تنقفقف خفت غير لي تسحاب ليه درت شي حاجة و هو يشوفو تيعط ليا و قال ليا كنتي مع هادا بصراحة طيحني من راسك وليت تنقول اويلي راك فهمتي غلاط و ليت غير باغا نشرح ايه و مبقيت قادا نخرج حتى كلمة مهم حسيت بالذل واخا مادرت والو و بقيت تنبكي و فكرت نتاحر و خواتاي و ماما لي قلت ليهم على الخطبة و احلامي كلها تظربات في الزيرو صافي قلت اش غادي نقول ليهم دابا قلت ليهم بلي راه خطب وحدا اخرى بنت خالتو و بفيت تنبكي و الله ما تصورو الجرح لي حسيت بيه الصدمة ديالو من جهة و سمعتي من جهة اخرى و الخوف من صاحب خويا ليقول شي حاجة ماكيناش و لكن عاودت زرعت الثقة فراسي المهم عاندي هو اني عارفة راسي طاهرة و ربي عارفني عفيفة هادشي يكفيني صافي انا من تم ما بفيت هدرت معاه واخا دار شحال من حاجة باش يعاود يهدر معايا و لكن انا لا حيتاش كتاشفت بلي هو تيكمي و تيسكر و داك نهار كان لي وقع فيه هاد شي كان تقريبا مدروgي المهم بدلت النيميرو ديالي و قطعت اي صلة بيه و من تما ما بقيت درت شي علاقة و ماعمرها تعاود حيتاش ندمت بزاف و من هنا بغيت غاع البنات يستافدو من تجريبتي و ميبقاوش يتيقوا دوك الكذوب و تنتمنى شي دعوة ديال الستر الله يجازيكم بخير و يحفظ بنات المسلمين ككل و السلام عليكم و رحمة الله و بركاته