خلطات للوجه : خلطة تقشير الوجه
احدى الاخوات تقول
المهم بلا ما نكثر عليكم هاد الوصفة زوينة شي اسبوعين و انا كانستعملها لقيت نتيجة وآآضح غير بلا عكز ديروها او ردو عليا لخبار الوصفة هي
نص معلقة حمص مطحون
نص معلقة صغيرة فول مطحون
نص معلقة روز مطحون
نص معلقة خرطال مطحون
2 معالق صغار ماء ورد او ماء معدني
غدي تخليه حتى ينشف مزيآن فوجهك عآاد غدي تحسبي ليه 15 دقيقة او غسليه هاد الطريقة ديريها ف اي ماسك هدي هي الطريقة الصحيحة ماشي غير ينشف تغسليه . او منين تغسلي وجهك مزيان دهنيه بزيت العود شويا للترطيب
هاد المقادير غدي تمشي عند العطار لي حداكم راه كيكونو عندو مطحووونين امصاوبين غير عاودي غربليهم اوصافي شري غير 5 دراهم مخلطة غدي دير ليك سيمانا نتمنى تعجبكم الوصفة هدي وصفة ديالي خاصة ماشيمنقولة
خلطات للوجه : خلطة مبيضة طبيعياً وإزالة شعر الوجه
فوائدها :
مبيض طبيعي وازالة الخلاية الميتة وازالة النقط السوداء وازالة شعر الوجه
ملاحظة : هذه الوصفة الطبيعية تستعمل للوجه فقط
مكونات و طريقة تحضير وصفة مجربة لإزالة النقط السوداء فالانف وإزالة شعر الوجه
الفول مطحون والحمص مطحون وجوج بيضات بلديات
اول حاجة رطبي الحمص وفسخيه ونشفيه فالشمس وطحنيه يكون مشطط بحال القوام تاع النشا يكون مغربل من ليبا مزيا
اما بالنسب للفول يتغسل وتطحن اوا غنشدو لمهم انا كندير عيني ميزاني دري نفس المقدار من الفول والحمص وزدي عليهم البيض البلدي الاصفر والابيض جوج بيضاة قلنا
اوا خلطي بكون بحال خليط ماجاري مناشف وسرحيه فوق كتتينا نقيا ودريه فالشمس حتى يكرم وعاودي طحنيه وشططيه خاص يكون بحال النشا فالقوام
او وحتافضي بيه فشي بواطة وتولي تشدي عند الاستعمال جوج معالق وخلطيهم بشوية تاع ماء الورد يكون الخليط شوية عاقد ودهني وجهك الطبق تكون شوية غليدة غير شوية اوا وسيري التكاي نعسي كاع لحتاش باش تنشف كياخد لوقت وكتحسي بوجهك مجبد
مدحكي متدوي باش ميتشقق ليك
اوا وبداي تحيدي يعني تقشدي فالاتجاه المعاكس للشعر وشوفي واش الزغب حيد ولا لا وفي الانف كتلاحضب نقط سوداء ملي كتبداي تقشري ملي تقشريه تحسي وحهك سخون دهني بماء الورد ورطبي اوا هدا الماسك كل مرة في اسبوع وهدده وصفة مجربة من طرفي وانشاء الله تنال اعجابكم.
خلطات للوجه : خلطة كاتصفي الوجه وتنقيه
مكونات وصفة رائعة للوجه للمعكازات تصفي و تنقي الوجه
الحنة وراق
زعفران حر وراق
الورد وراق
طريقة تحضير و إستعمال وصفة رائعة للوجه للمعكازات تصفي و تنقي الوجه :
غادي تشدي الحنة و الورد و ترقديهم في الماء (الاعشاب يكونو كتار و متكتروش الماء بزاف)
وشدو الزعفران عرضوه شوية للعافية و فرتوه في وسط هداك الماء خلي هداك المنقوع شي 2 يوم وبداو دهنو بهم وجهكم مرة مرة.
عرفتو غادي يولي وجهكم بيض بزاف و كيلمع بحال المرايا ايوة لي دخلات تجاوبني الله يحفظكم ماتنساوش ملي الدوز هدوك اليومين حيدو العشوب و خليو عير الماء
.jpg)
.jpg)
.jpg)
