اولا وقبل كل شيئ كنشكر الموقع اللي تاح لنا الفرصة باش نعبرو على مشاكلنا الشخصية المهم بلا مطول عليكم انا عندي 29 سنة مزوجة هدي 5سنين الحمد لله راجلي اسان طيب وكيبغيني يعني متفاهمين ولله الحمد وعندنا وليد المهم المشكل اللي عندي هو مع دارهم مو وباه اوخواتاتو ولادهم مكيحملونيش كينافقوني وكيبينوها ليا فالتعامل ديالهم بزاف مع العلم انني انا وراجلي مستقرين خارج المغرب بحكم عمل راجلي وهادي العامين لدازت رجعنا المغرب انا وياه اوولدنا بسبب ظروف مرات بها البلاد اللي حنل عايشين فيها المهم شفت منهم اللي عمري توقعتو حيث هما كيظنو بلي انا اللي جبت ليهم ولدهم المهم انا استقريت فدارنا مع ماما و بابا وخويا او راجلي كيجي عندنا يومين فالاسبوع واحد النهار التاصل بيا باه مع 12ديال اليل اوبدا كيضور فيا وعاير نتي اللي خرجتي عليه كيقصد ولدو او مزال معييتو من الدوران مع العلم انني من عائلة محافظة او بنت جميلة و مثقفة اولدهم اللختارني او هما كانو موافقين المهم حيث كيشفونا متفاهمين كيحسدونا حيت بناتهم بجوج مطلقين او جايبين ليهم ولادهم عايشين معاهم حتا هم مكيحملونيش حيت مربنهوم على سمهم مع انني مربيا فدارنا تربية حسنة مع خوتي 2ولاد وانا صافي لحمد لله رباونا والدنا التعامل مع الناس باخلاق او هاد الناس هادو عايشين متحاربين غير مع بعضياتهم ولكن انا كيتافقو والتاحدو عليا مالمعاملة الخايبة ولا صدرات منهم شي حاجة زوينة غير نفاق قدام ولدهوم المهم الحمد لله هدي 9شهور باش استقرينا انا وراجلي منين رجعات المياه المجاريهى فبلاد الاقامة ديالنا واخا هكاك كنحس براسي ممرتاحاش من جيهتهم منين كيتواصل معاهم ولدهوم يعني مكيتسوقوش ليا انا سواء نهضر معاهم ولا بلاش حيث متمنيتش تكون حياتي هكا مع عائلة راجلي و هادشي مرضني وعصبني بزاف وسمحولي بزاف على الاطالة وكنتمنى تفيدوني وتنصحوني فهاد الموضوع الله يجازيكم بخير راه مبغاش بسبابهم ضيع راجلي.
![]()
